Analisti Dragomir Andjelkoviç gjatë një prononcimi për mediat në Beograd ka deklaruar se për Serbinë, nisma e Ballkanit të Hapur është një zgjidhje më e mirë se integrimi evropian, sepse nuk do të duhet të heqë dorë nga lidhjet e saj me Rusinë dhe Kinën.
Më tej analisti tha se pranimi i “Malit të Zi, Bosnje-Hercegovinës dhe Kosovës do të jetë vendimtar për të ardhmen e projektit. Nëse nuk anëtarësohen, kjo është gjysma e zgjidhjes”.
Andjelkoviç theksoi se Ballkani i Hapur është si një zgjidhje e detyruar për shkak të ngërçit në integrimin evropian, që i jep Serbisë mundësinë për t’u lidhur me rajonin.
Në Samitin e “Open Balkan” që u zhvillua dje në Tiranë u firmosën pesë marrëveshje.
