Rreth 1000 të burgosur pritet të lënë qelitë, ndërsa 3000 të tjerë do të përfitojnë ulje dënimi, nga amnistia e propozuar nga Ministria e Drejtësisë për të burgosurit, e cila u miratua sot nga Këshilli i Ministrave.
Në nenin tre të këtij pr/ligji është përcaktuar kategoria e të dënuarve që përfitojnë.
Amnistohen personat e dënuar me vendim të formës së prerë më burgim deri në 2 vjet për dënime të dhëna deri në datën 31 dhjetor si dhe ata të dënuar që u ka mbetur pa vuajtur nga dënimi deri në 2 vjet.
Gratë e dënuara në ose mbi moshën 55 vjeç përfitojnë gjithashtu. Përfitojnë të dënuarit meshkuj 60 vjeç ose ne këtë moshë, 18-vjeçarët që kanë kryer vepra të lehta penale si dhe të dënuarit me dëmtime të përhershme fizike ose sëmundje të rënda të pashërueshme.
Ky propozim edhri pak ditë më parë nga Ministri i Drejtësisë Ylli Manjani, i cili depozitoi në Kuvend projektligjin për dhënie amnistije.
