Ambasadorja e Shteteve të Bashkuara në OKB, Nikki Haley ka reaguar menjëherë pasi OKB-ja votoi pro rezolutës anti-Trump, ku tha se pavarësisht këtij votimi, Ambasada e SHBA do të zhvendoset në Jeruzalem.
Mes shteteve që votuan pro rezolutës renditet edhe Shqipëria.
“Asnjë votë në Kombet e Bashkuara nuk do të bëjë ndonjë ndryshim. Por, ky votim do të bëjë dallimin në atë se si amerikanët shikojnë Kombet e Bashkuara dhe si shikojmë vendet që na respektojnë në O.K.B. dhe ky votim do të mbahet mend”, tha Haley.
Haley tha se Presidenti Trump i ka kërkuar që ajo t’i dorëzojë një raport mbi vendet, të cilat votuan kundër Shteteve të Bashkuara.
