Ambasadori i Zvicrës Cristoph Graf ka deklaruar se zgjedhjet do të mbahen dhe do të respektohen rregullat demokratike. I pranishëm në konferencën ekonomike me Bankën e Shqipërisë, ambasadori tha se populli kërkon zgjedhje të lira dhe në demokraci duhet respektuar vullneti i popullit.
Gjithashtu Graf, i bëri thirrje politikës shqiptare për të gjetur gjuhën e përbashkët për zhvillimin e zgjedhjeve parlamentare.
“Mendoj se në demokraci duhet respektuar vullnet i popullit, populli kërkon zgjedhje të lira dhe të ndershme. Jam optimist se zgjedhjet do të mbahen dhe do të respektohen rregullat demokratike. Mendoj se duhet të ketë një kulturë dialogu”, tha Graf.
Me rëndësi për ambasadorin është stabilitieti në rajon, si një kusht edhe për zhivllimin ekonomik.
