Ambasadori rumun inspekton pallatet në Kavajë: Më vjen keq, isha 18 vjeç kur vendi im përjetoi një situatë të tillë

Kryetari i grupit parlamentar Taulant Balla së bashku me Ambasadorin Rumun në Tiranë, Mircea Perpelea dhe me 15 inxhinierët rumune kanë inspektuar nga afër pallatet e dëmtuara nga tërmeti në Kavajë.
Gjatë fjalës së tij, Ambasadori Rumun është shprehur i nderuar që po ndihmon Shqipërinë.
Perelea ka deklaruar se të njëjtën situatë ka përjetuar edhe Rumania në kohën kur ai ishte vetëm 18 vjeç.
‘Ne jemi të nderuar që po vijmë të ndihmojmë këtu. Të gjithë u munduam po na ka ardhur keq për këtë tërmet të tmerrshëm që u prek Shqipëria. Isha 18 vjeç kur Rumania u kap nga një tërmet i tillë dhe e di çfarë do të thotë. Të gjithë sapo na u kërkua nga ministria rumune pranuam dhe kemi ardhur këtu për të bërë punën për një javë’, tha ambasadori.