Ambasada e Shqipërisë në Greqi ka njoftuar shqiptarët në Greqi për mbërritjen e pasaportave dhe kartave të identitetit për ata që kanë aplikuar deri më datë 31 korrik.
Përmes një postimi në rrjetin social Facebook, Ambasada bën me dije se emigrantët mund ta marrin pasaportën me postë duke dërguar në e-mailin e saj adresën e saktë dhe detaje të tjera identifikues.
Njoftimi i ambasadës
Ambasada e Republikës së Shqipërisë në Athinë ju njofton se, kanë mbërritur Pasaportat dhe Kartat e Identitetit deri më 31 korrik 2020.
Shpërndarja e pasaportave dhe kartave të identitetit ka nisur të kryhet pranë HYRJES NR. 1 të Ambasadës.
Ambasada thekson se procedura për tërheqjen tyre kryhet nga dita e hënë deri të premten, ora 08:00-16:00.
“Nëse dëshironi që të merrni nëpërmjet postës vetëm pasaportën na dërgoni në adresën e emailit: [email protected]
1. EMËR MBIEMËR
2. ADRESËN E SAKTË TË BANIMIT
3. KODIN POSTAR
4. NUMRIN E CELULARIT
5. FOTO TË KUPONIT TË APLIKIMIT
Lidhur me tërheqjen e kartës së identitetit është e detyrueshme paraqitja fizike në Ambasadë”.
