Ambasada amerikane në Tiranë ka përshëndetur studentët shqiptarë që këtë vjeshtë do të shkojnë për studime universitare në SHBA.
Me anë të një postimi në facebook, ambasada amerikane i inkurajon studentët shqiptarë që të punojnë fort dhe të shijojnë përvojën.
“Një përshëndetje e veçantë për të gjithë studentët shqiptarë që këtë vjeshtë do të shkojnë për studime universitare në SHBA!
Unë kam intervistuar shumë prej jush gjatë këtyre javëve të fundit. Punoni fort dhe shijojeni këtë përvojë! Por edhe më tregoni për aventurat tuaja” shkruan Ambasada e SHBA në një postim në Facebook.
