Sulmuesi i Realit të Madridit Alvaro Morata përfitoi nga rasti që ishte i pranishëm në një spektakël magjie në Madrid për t’i propozuar të dashurës së tij Alice Campello.
Gjithçka ndodhi në praninë e prestigjiatorit Pop, i cili mundësoi që futbollisti të ngjitej në skenë së bashku me Alicen për të qenë pjesëmarrës në një truk magjie. Në atë moment Morata u ul në gjunjë dhe me një unazë në dorë bëri propozimin që u pranua nge e fejuara e tij.
Alvaro Morata përdori edhe rrjetet sociale për të zyrtarizuar hapin e ndërmarrë në jetën personale duke publikuar një foto të dorës së Alices me unazën që ai i kishte dhuruar.
