Në bashkitë e vogla po thuren afërta më të thella dhe më të mëdha. Kryebashkiakja e Përmetit, Alma Hoxha, i ka qëndisur një dhuratë homologut të saj Adriatik Zotkajt, kryetar Bashkie në Poliçan.
Kryebashkiakja u zgjua tani që po afrojnë festat dhe fushata zgjedhore, u kujtua më në fund të merret me rezervuarët. Për këtë ka hapur së fundmi edhe tenderin me objekt ‘Rehabilitimi i rezervuarit Qilarisht’.
Në preventivin që shoqëron dokumentet thuhet se do të pastrohen barërat dhe dherat që kanë mbuluar rezervuarin, si dhe do të bëhen pastrime dhe riparime tek shkarkuesi kryesor. Për kaq punime që bashkia duhet t’i bëjë vazhdimisht për mirëmbajtje do të paguajë tani 250 milionë lekë.
Sigurisht në këtë fond të fryrë ka menduar edhe për xhepin e saj Hoxha, prandaj edhe ka zgjedhur të bëjë pazare me mikun e saj.
Sipas të dhënave në dokumente, 5 kompani kanë dorëzuar oferta për të marrë pjesë në garë, ku INA shpk dhe FLED shpk kishin ofertat më të lira, por u s’kualifikuan menjëherë për mungesë dokumentacionesh. I njëjti argument u dha edhe për dy operatorë të tjerë, edhe pse AK nuk sqaron se për çfarë dokumentesh bëhet fjalë dhe nuk raporton nëse i kishte njoftuar pjesëmarrësit për këto mungesa.
Nuk i leverdiste Hoxhës që të zbatonte rregulloren, pasi i duhej të zbatonte planin për të shpallur fituese ofertën e dorëzuar nga bashkimi i operatorëve G & M CONSTRUCTION 07 shpk & 2 T shpk, me vlerë 243 milionë lekë, sa 97% e fondit limit.
Fakt që tregon se Hoxha e kërkon me plan një fond kaq të lartë. Gjithsesi theksojmë se oferta e këtyre kompanive u shpall fituese pa garë, pasi kryebashkiakja ja fshiu të gjithë kundërshtarët. Kështu më datë 11 dhjetor pa e vrarë mendjen fare Hoxha publikoi kontratën e skuqur në shkelje.
Kemi mungesë konkurrence, eliminimin pa arsye të ofertave më të lira dhe rritjen e riskut për fondin limit. Për këto shkelje Open Data Albania i ka vendosur Flamurin e Kuq.
Tender kolegut
Edhe pse në fakt ky tender meriton më shumë se sa një flamur, pasi kemi të bëjmë me korrupsion dhe abuzim detyre të pastër.
Duke përfituar nga ky post , Hoxha ja ka dhënë tenderin djalit të homologut të saj. G & M CONSTRUCTION 07 shpk është në pronësi të Oligert Dyrmishi dhe Maliq Zotkajt.
Ky i fundit është djali i Adriatik Zotkajt, kryebashkiaku i Poliçanit. Zotkaj brenda pak muajsh ka fituar disa tenderë pa garë nga kolegët e babait, por askush nuk ka marrë masa.
Ndërkaq, firma 2T SHPK është në pronësi të Artan Sako dhe Dritan Troksi. Kujtojmë se Artan Sako është vëllai i ish-komandantit të Gardës së Republikës, Gramos Sako.
E shihni pra i ka pazaret e thella Hoxha, por SPAK nuk i sheh!
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016
