Pas ish-kryeministrit Sali Berisha, ka qenë kreu i grupit parlamentar të Partisë Demokratike, Enkelejd Alibeaj që ka dhënë një deklaratë për mediat për përplasjet në mbledhje.
Alibeaj është shprehur se procesi për zgjedhjen e Presidentit është i rëndësishëm dhe sipas tij ky i fundit duhet të përfaqësojë të gjithë shqiptarët. Ai konfirmoi se do të jetë në takimin me Ballën për të mos iu shmangur procesit, pavarësisht se Komisioni i Rithemelimit është kundër.
“Kjo çështje është sqaruar në disa pjesë, duhet të zhvillohej dje. Për këtë arsye sot çështja që u diskutua e para ishte diskutimi i axhendës së seancës, diskutohet lidhur me çështjen e presidentit të republikës. Gjithmonë ndodh se vjen Berisha, jep mendimin e tij, unë mund t’ju them për qëndrimin tim. Procesi i zgjedhjes së presidentit është i rëndësishëm. E kuptoni sa penalizuese është për opozitën. Edhe sot që flasim, opinioni im është i qartë. Rama nuk e ka të drejtën që të zgjedhë presidentin, po ua them. është e thjeshtë. 4 deputetë nuk janë në sallë por qeli, dy janë “non grata”. Edhe në këtë aspekt është i delegjitimuar. Ajo që duhet të ndodhë është që duhet të jetë presidenti i shqiptarëve. Nuk rrudhet presidenti duke u futur në zarfe, ka dy rrugë, njëra është më bishtin ndër shalë dhe të shmangemi. Jo kjo nuk ndodh. Jo duke i ikur Edi Ramës, por duke ia grisur fasadën. Duhet të simbolizojë dhe gjysmën, është detyrimi ynë dhe i opozitës që të çohet para”, tha Alibeaj.
