Kryetari i Partisë Demokratike, Sali Berisha ka habitur me deklaratën e tij kur hodhi akuzat se ish-shefja e kabinetit të zëvendës kryeministrit Arben Ahmetaj, ka bashkëpunuar me pastruesen e saj për të fshehur paratë e jashtëligjshme.
Gjatë konferencës me gazetarët, Berisha thotë se Alda Kosi ishte ajo që ia dha kodin e kasafortës Rozetës. Për këtë të fundit, kreu i PD, kërkon që të shpallet e penduara e drejtësisë.
“Janë bërë me dhjetëra kronika, me dhjetëra raportime, por një enigmë ku qëndron edhe çelësi i të vërtetës, nuk është trajtuar në dimensionin e duhur. Nuk është trajtuar raporti Rozeta-kasaforta.
Sipas të gjitha të dhënave, Alda Klosi ose i mbante paratë në dyshek dhe flinte, se maniakët e parave, ndjehen komfort kur flenë në dyshekë të mbushur me parë, ose ajo i dha kodin e kasafortës. Ia dha në roje. Ia dha në mirëbesim.
Pra, këtu qëndron edhe rebusi. Ndërkohë, Rozeta Dobi ka marrë kërcënime nga më të mëdhatë. Qeveria ka bërë çdo përpjekje për t’i mbyllur gojën asaj. Gjithçka është bërë dhe ajo realisht e kërcënuar shumë. Thirrja ime është që ajo të shpallet e penduar e drejtësisë. Çka nuk ndodh. Se kjo e lemerit Edi Ramën dhe Arben Ahmetajn”, tha Berisha.
