Jemi në mes të sezonit shkollor dhe shumë pranë stinës së ftohtë të dimrit, ndërsa Albert Malaj kujtohet të nis punimet për një shkollë në Memaliaj.
Kryebashkiaku ka zhvilluar një tender me objekt ‘ Rikonstruksioni i gjimnazit Sali Nivica dhe ambientet sportive’, me fond limit rreth 1.5 mln euro. Pra këto që një pjesë do të merren nga buxheti i këtij viti dhe pjesa tjetër nga buxheti i vitit 2025.
Në përshkrimin e bërë në relacionin konstruktiv thuhet se, ne institucion mungojnë kushtet minimale sipas kërkesave bashkëkohore si ngrohja qendrore, ambientet për argëtim dhe tualetet higjenike. Ndërtesa ekzistuese është rreth 35-vjeçare. Madje theksohet se në këtë shkollë po regjistrohen gjithmonë e më pak nxënës për shkak të kushteve jo të mira.
Epo përse prej vitesh nuk është vënë dorë në këtë shkollë, përse bashkitë në vendin ton ë i lënë institucionet arsimore derisa shkatërrohen në pikën e fundit dhe me pas kur afrojnë fushatat kujtohen për to?
E pra vetë Malaj po e pranon që nuk ka bërë siç duhet punën e tij, përfshirë këtu edhe paraardhësit.
Ndërkohë edhe tani që po zhvillon një projekt për këtë shkollë duket qartë që po e bënë për propagandën politike. Ne ngremë këtë hipotezë duke parë që tenderi është zhvilluar me nxitim dhe pa rregulla, nuk ka një plan se ku do të dërgohen nxënësit që mësojnë aty, po bëhen punime në mes të sezonit dhe do të vazhdojnë edhe vitin tjetër, që përkon me zgjedhjet elektorale.
Kartoni i Kuq i vendosu nga Open Data Albania ngre alarmin për të gjitha pikat që ne analizuam m sipër. Ndërsa na tregon se edhe fondi është në rrezik. Gara ka qëndruar e hapur për 3 javë edhe kanë shfaqur interes 3 kompani. BOE “ L.T.E CONSTRUCTION ” SHPK & “NDREGJONI” SHPK kishin ofertën më të lirë me vlerë rreth 1 mln euro po u përjashtua që në fazën e parë nga gara me argumentin se i mungojnë deklarat për disa punonjës , me të njëjtën arsye është skualifikuar edhe firma “DAJTI PARK 2007 ” SHPK.
Në këtë mënyrë mbeti në garë vetëm oferta e bashkimit të operatorëve
SENKA SHPK – G.P.G. COMPANY SHPK me ofertën 1.5 mn euro, sa 100% e fondit limit.
Të gjitha detajet ishin përgatitur nga Malaj , kështu kjo ofertë u shpall fituese pa garë fare. Për këtë mori Kartonin e Kuq, por masa nuk janë marrë. Kështu fëmijët do mësojnë në rrugë e fondet e arsimit po vidhen nga Paqësor Buzi, pronari i firmës G.P.G. COMPANY SHPK.
Prej disa vitesh Paqësor Buzi njihet për tenderët e majmë që merr nga “Rilindja”.
Por, më parë ai njihej për mashtrimet që ka bërë dhe se është person me precedent penal. Kujtojmë se, në vitin 2019, Paqsor Buzi është arrestuar nga policia si i dyshuar për pjesëmarrje në një skemë të mashtrimit me Tatimin mbi Vlerën e Shtuar.
Ai u arrestua bashkë me disa biznesmenë të tjerë me akuzat e “krijimit të skemave mashtruese me TVSH”, “falsifikimit” dhe “fshehjes së të ardhurave”.
Këta biznesmenë u akuzuan në atë kohë se kishin krijuar një skemë me fatura fiktive shitje-blerjesh mes njëri-tjetrit me qëllim përfitimin e TVSH-së nga shteti.
