Deputetja e Partisë Demokratike, Albana Vokshi tha se turi i takimeve që po bën opozita në gjithë vendin po tregon se qytetarët janë të pakënaqur me këtë qeveri.
Gjatë një interviste për Televizionin Fax News, Vokshi tha se pritjet që i kanë bërë qytetarët e Kukësit dhe Mirditës sot Bashës kanë qenë madhështore, sepse qytetarët sipas Vokshit janë ngarkuar nga taksë pas takse.
Deputetja foli edhe për gjëndjen ku ndodhet arsimi sot ku sipas saj tregon se si do të jetë shoqëria shqiptare nesër.
“Reforma e arsimit të lartë ka ngritur një amulli në institucionet e arsimit. Kemi dëgjuar rektorët në Komision, të gjithë janë të pakënaqur me këtë reformë. Pakti për universitetin jo vetëm nuk zgjidh problemet e universitetit por është antiligjor dhe antikushtetues sepse shkel më shumë se në 10 nene ligjin e arsimit të lartë. Po si mund të bëhet kjo gjë. Rama me të arsimuarit dhe të talentuarit nuk mund të bëjë pakte më me krimin dhe kriminelët. Ai e ka krijuar me qëllim këtë situatë sepse ai nuk e do arsimin dhe të arsimuarit”, tha Vokshi.
