Alarmi nga “ESTOFEX”: Moti pritet vetëm të përkeqësohet, Shqipëria e rrezikuar edhe nga tornadot

Agjensia Europiane e Parashikimit të Stuhive njofton se do të ketë përkeqësim të motit në të gjithë Europën, që pritet të goditet nga rreshje të shumta dhe gjatë ditëve në vijim. Ndër shtetet më të rrezikuara janë Shqipëria dhe Greqia ku alarmi sipas ‘ESTOFEX’ i kategorisë së dytë.

Sipas parashikimit vendi ynë pritet të goditet nga erëra të forta, rreshje të shumta shiu, breshër dhe tornado. Rreshjet e orëve të fundit kanë shkaktuar përmbytje të shumta në gati të gjitha qytetet shqiptare.