Dikur fëmijët mezi prisnin të vinte ora e lojës, për të dalë jashtë shtëpisë me shokët ku i priste kryesisht loja me top. Fëmijët ishin shumë kreativ për të shpikur lojëra argëtuese edhe me mjete rrethanore ndërsa harroheshin për orë të tëra dhe vetëm errësira i mblidhte në shtëpi. Po sot çfarë ndodh, fëmijët e kanë braktisur natyrën dhe lojërat fëminore duke zgjedhur si shokun më të mirë ekranin e vogël të smartfonit apo tabletit.
Dhe këtu nuk bën dallim asnjë fëmije që ka luksin të ketë të vetin një smartfonë ose tablet ose që ua merr prindërve sapo vijnë në shtëpi pas pune. Enea është 8 vjeç dhe ka një lidhje aq të fortë me tabletin dhe përmes tij youtubin saqë ëndëron një ditë të ketë faqen e tij në youtube që thotë se do ta bëjë të famshëm.
I zhytur brenda kuadratit dixhital, Enea mezi na hedh sytë teksa e filmojmë me kameran tonë. E ëma e Eneas Erjona pranon se problemi nis nga vetë prindërit. Më e vogla e familjes Aberta është 3 vjece dhe që në këtë moshë nuk lejon askënd që ti prek tabletin të cilin di ta përdorë shumë mirë sa për të gjetur lojërat e saj.
