Një turist danez ka rezultuar pozitiv ndaj virusit që shkakton deforimime te të porsalindurit
Europa është në alarm pas zbulimit të një tjetër personi me virusin “Zika”. Një turist danez ka rezultuar pozitiv ndaj virusit i cili shkakton deformime të rënda te të porsalindurit. Dyshohet se turisti është infektuar me virusin “zika” gjatë udhëtimit nëpër Afrikën Jugore dhe Qëndrore, vende ku ky virus po përhapet me shume shpejtësi dhe ka prekur me dhjetra foshnje. Turisti danez është paraqitur në spital me simptoma të ngjashme me ato të gripit me ethe dhe dhimbje koke por analizat zbuluan më vonë se ai ishte prekur nga virusi “Zika”. Ndërkohë raste me këtë virus janë diagnostikuar edhe në Itali, Zvicër, Sapanjë dhe Britanin e madhe. Ende nuk është gjetur kura për shërmin e virusit “Zika” por ai nuk transmetohet nga njeriu te njeriu. Mbartes por edhe transmetues i këtij virusi është një mushkonjë që rritet në Amerikën Latine. Rezulton se 22 vende të Amerikës Latine janë prekur nga virusi tmershem që prek të porsalindurit. Brazili po përjeton shpërthimin më të madh të virusit ‘Zika’. Virusi ka vrarë të paktën pesë foshnja në vend. Që nga tetori, numri i të prekurve është 3 893 ku vërehet një rritje ditët e fundit.
