Gjykata e Apelit ka lënë në fuqi masën e arrestit me burg ndaj 30-vjeçarit Gëzim Gjini, i arrestuar si i dyshuar për vrasjen e kunatit në Itali.
I riu kishte ankimuar në Apel masën e sigurisë të vendosur nga Gjykata e Shkallës së Parë në Lezhë, por nuk ka mundur të fitojë lirinë në Apel.
Gëzim Gjini, i kërkuar nga autoritetet italiane për vrasjen e 13 Dhjetorit 2022 në Roça Priora, është arrestuar nga policia e Lezhës rreth dy muaj më parë.
Ai u arrestua me qëllim ekstradimin drejt Italisë, pasi ndaj tij autoritetet gjyqësore të vendit fqinj kishin caktuar një masë sigurie arrest me burg për vrasje.
“Ai akuzohet se është organizator i vrasjes së bashkëshortit të motrës së tij, shtetasit Petrit Cara, vrasje e kryer me mjet prerës, në Roça Priora, Itali, më datë 13.12.2022, në bashkëpunim me 2 shtetas të tjerë”, njoftoi policia.
Ngjarja për të cilën akuzohet Gjini ka ndodhur në 13 dhjetor 2022, ku viktimë mbeti Petrit Caka. Ai u gjet i vrarë në banesën e tij në Roça Priora-Itali, me plagë në fytyrë dhe trup, të cilat ishin shkaktuar nga një thikë.
Pas rreth 8 muajsh nga vrasja e Petrit Cakës, policia italiane arrestoi bashkëshorten tij, si dhe dy nga tre bashkëpunëtorët e saj.
Sipas raportimeve, gruaja kishte thirrur të vëllanë dhe mikun e tij nga Shqipëria për të kryer krimin, në shenjë hakmarrjeje të viteve të keqtrajtimit dhe dhunës që bashkëshorti Petrit Caka kishte ushtruar ndaj saj.
Autoritetet italiane firmosën urdhër arrest me burg për 4 shqiptarë – gruaja e viktimës, i vëllai, bashkëpunëtori në vrasje dhe një djalë tjetër i cili është kujdesur për kthimin e vrasësve në Shqipëri, pasi u krye krimi.
Nga raportimet mësohet se vëllai dhe bashkëpunëtori në dhjetorin e vitit të kaluar kishin mbërritur në Itali nga Shqipëria, dhe tre ditë më vonë më 13 dhjetor, të dy dyshohet se kanë inskenuar grabitjen në shtëpinë e 49-vjeçarit dhe kanë vrarë me thikë Petrit Cakën.
Më pas dy autorët janë kthyer në Shqipëri duke u ndihmuar nga një bashkatdhetar tjetër.
Nëpërmjet pamjeve të siguruara nga kamerat e sigurisë, është bërë i mundur identifikimi autorëve si dhe mjetet të cilat kanë përdorur.
Gruaja e viktimës dhe 2 prej shqiptarëve janë ndaluar në Itali, ndërkohë i vëllai i saj u shpall në kërkim për tu arrestuar në Lezhë në muajin gusht.
Gjykata e Apelit ka lënë në fuqi masën e arrestit me burg ndaj 30-vjeçarit Gëzim Gjini, i arrestuar si i dyshuar për vrasjen e kunatit në Itali.
I riu kishte ankimuar në Apel masën e sigurisë të vendosur nga Gjykata e Shkallës së Parë në Lezhë, por nuk ka mundur të fitojë lirinë në Apel.
Gëzim Gjini, i kërkuar nga autoritetet italiane për vrasjen e 13 Dhjetorit 2022 në Roça Priora, është arrestuar nga policia e Lezhës rreth dy muaj më parë.
Ai u arrestua me qëllim ekstradimin drejt Italisë, pasi ndaj tij autoritetet gjyqësore të vendit fqinj kishin caktuar një masë sigurie arrest me burg për vrasje.
“Ai akuzohet se është organizator i vrasjes së bashkëshortit të motrës së tij, shtetasit Petrit Cara, vrasje e kryer me mjet prerës, në Roça Priora, Itali, më datë 13.12.2022, në bashkëpunim me 2 shtetas të tjerë”, njoftoi policia.
Ngjarja për të cilën akuzohet Gjini ka ndodhur në 13 dhjetor 2022, ku viktimë mbeti Petrit Caka. Ai u gjet i vrarë në banesën e tij në Roça Priora-Itali, me plagë në fytyrë dhe trup, të cilat ishin shkaktuar nga një thikë.
Pas rreth 8 muajsh nga vrasja e Petrit Cakës, policia italiane arrestoi bashkëshorten tij, si dhe dy nga tre bashkëpunëtorët e saj.
Sipas raportimeve, gruaja kishte thirrur të vëllanë dhe mikun e tij nga Shqipëria për të kryer krimin, në shenjë hakmarrjeje të viteve të keqtrajtimit dhe dhunës që bashkëshorti Petrit Caka kishte ushtruar ndaj saj.
Autoritetet italiane firmosën urdhër arrest me burg për 4 shqiptarë – gruaja e viktimës, i vëllai, bashkëpunëtori në vrasje dhe një djalë tjetër i cili është kujdesur për kthimin e vrasësve në Shqipëri, pasi u krye krimi.
Nga raportimet mësohet se vëllai dhe bashkëpunëtori në dhjetorin e vitit të kaluar kishin mbërritur në Itali nga Shqipëria, dhe tre ditë më vonë më 13 dhjetor, të dy dyshohet se kanë inskenuar grabitjen në shtëpinë e 49-vjeçarit dhe kanë vrarë me thikë Petrit Cakën.
Më pas dy autorët janë kthyer në Shqipëri duke u ndihmuar nga një bashkatdhetar tjetër.
Nëpërmjet pamjeve të siguruara nga kamerat e sigurisë, është bërë i mundur identifikimi autorëve si dhe mjetet të cilat kanë përdorur.
Gruaja e viktimës dhe 2 prej shqiptarëve janë ndaluar në Itali, ndërkohë i vëllai i saj u shpall në kërkim për tu arrestuar në Lezhë në muajin gusht.
