Interpol Tirana ka ekstraduar nga Italia të riun shqiptar të akuzuar për disa vepra penale.
Bëhet fjalë për 23 vjeçarin Oltion Caca, lindur në Krujë i cili dyshohet se më datë 19.09.2016, ka tentuar të vrasë me eksploziv shtetasin G.B. duke i vendosur në automjet lëndë eksplozive. Si pasojë e shpërthimit ka mbetur i plagosur shtetasi G.B.
Policia ka tentuar të ndalojë automjetin me drejtues shtetasin Oltion Caca, por është larguar me shpejtësi. Policia e ka ndjekur këtë automjet dhe pas ndjekjes, shtetasi i mësipërm e ka braktisur atë duke u larguar në këmbë. Brenda në automjet policia gjeti dhe sekuestroi 110 kg e 845 gr lëndë cannabis sativa.
Gjykata e Rrethit Gjyqësor Krujë ka vendosur masën e sigurisë “Arrest me burg” për veprat penale “Vrasje me paramendim, mbetur në tentativë” “Shkatërrim prone me eksploziv”, “Prodhim dhe shitje të narkotikëve” dhe “Vjedhje me dhunë”.
