Akuzat ndaj Ilir Metës, trondit Kreshnik Spahiu: Si shpjegohet që vetëm emri i tij lidhet me vrasje

Juristi Kreshnik Spahiu në një lidhje live për “Top Talk” foli rreth akuzave për vrasje që janë hedhur drejt presidentit Ilir Meta. Ai shprehet se këto akuza të cilat lidhen me presidentin Meta nuk janë një rastësi, pasi të gjitha veprat penale lidhen me të. “Unë e kam shumë të vështirë të besoj që gjithë rastësitë që lidhen me vepra penale, lidhen vetëm me me një njeri që quhet Ilir Meta”, tha Spahiu.
Në lidhje me këto akuza ai përmendi ngjarjen e thesarit, vrasjen e deputetit të PS-së, ngjarjen e 21 janarit dhe shumë akuza të tjera.
Njëkohësisht Spahiu nuk e konsideron rastësi faktin që këto akuza nuk janë hedhur tek presidentët e tjerë, por vetëm drejt Ilir Metës.
“Pse nuk janë të njëjtat akuza për presidentët e tjerë. Pse këto akuza të cilat më pas nuk u provokan lidhen me një njeri që është Ilir Meta”, shtoi më tej analisti.
Javët e fundit presidenti Meta u akuzua për urdhërimin e vrasjes së vëllait të deputetit Ndoka të Lezhës, por këto akuza u hodhën poshtë nga SPAK, i cili deklaroi se janë të pavërteta.