Një mjeke në kryeqytet është goditur për shkak të detyrës, orët e para të mëngjesit. Lidhur me ngjarjen policia ka arrestuar tre persona dhe ka proceduar penalisht dy të tjerë.
Autorët sipas bluve, e kanë akuzuar mjeken e QSUT për neglizhencë në mjekimin ndaj një të afërmi të tyre.
Në pranga u vunë: I.S., 41 vjeç dhe B.B., 54 vjeç, të dy banues në Tiranë. Gjithashtu nisi procedimi penal në gjendje të lirë për: K.S., 50 vjeç (me precedent të mëparshëm penal), E.Xh., 47 vjeç dhe A.M., 55 vjeç.
Ata akuzohen për veprat penale “Goditje për shkak detyrës”, “Mosbindja ndaj urdhrit të punonjësit të Policisë së rendit publik” dhe “Shkatërrimi i pronës”, të kryera në bashkëpunim.
“Këta shtetas, rreth orës 02:00 të ditës së sotme, në ambientet e një spitali shtetëror, kanë goditur me grushte, për shkak të detyrës, një mjeke të këtij spitali, me pretendimin për neglizhencë mjekësore ndaj një të afërmi të tyre, që mjekohej në këtë spital, si dhe kanë dëmtuar dyert dhe dritaret e këtij institucioni. Gjithashtu, këta shtetas nuk iu janë bindur urdhrave të punonjësve të Policisë që shkuan në vendin e ngjarjes, menjëherë pas marrjes së njoftimit për këtë rast”, thuhet në një njoftim të policisë.
