Aktori shqiptar Gent Bekjo do të luajë një film përkrah emrave të mëdhenj të kinemasë botërore, si Jennifer Lowrence, Michelle Pfeiffer, Stephen McHatti.
Lajmi është bërë të ditur nga vetë aktori përmes një postimi në Facebook, ku shkruan: “Ups, I did it again. It’s coming (Ja dola përsëri. Po vjen). Emri në listë. Dalëngadalë po vjen behari”.
Filmi pritet që të lançohet në 13 tetor të këtij viti ndërkohë që shpresat se ky do jetë një film që do të bëjë shumë bujë janë të mëdha.
Filmi flet për lidhjen e një çifti e cila do të testohet e vihet në provë menjëherë pasi në shtëpinë e tyre të vijnë disa persona të paftuar të cilët do t’u vënë në pikëpyetje bashkëekzistencën.
Xhirimet e filmit kanë mbaruar në gusht të vitit të kaluar dhe gjithçka është thuajse gati për finalizimin nga produksioni i “Paramount Pictures”.
