Një akt terrorist është shënuar ditën e sotme në një xhami në periferi të Oslos (Norvegji).
Mësohet se një 20-vjeçar ka qëlluar me armë në brendësi të objektit të kultit duke plagosur një besimtar 75-vjeçar. Sipas informacioneve, agresori ishte i armatosur me 2 shotganë dhe një pistoletë.
Dyshimet e para janë se sulmi ka për motiv racizmin dhe Islamofobinë e nxitur nga vala e madhe e emigrantëve nga vendet myslimanë drejt Perëndimit. Kujtojmë se sot të gjithë besimtarët myslimanë festojnë ditën e shenjtë të Kurban Bajramit.
