Si pjesë e reformës kombëtare të ujit për prerjen e lidhjeve e paligjshme, specialistët e Ujësjellës-Kanalizimeve Tiranë po vijojnë aksionin edhe në zonat periferike, për disiplinimin e situatës.
Mazniku kërkoi bashkëpunimin e qytetarëve të Tiranës për të raportuar për çdo problematikë apo rast të abuzimit me ujin e pijshëm.
“Nëse një qytetar ka informacion për një lidhje të tillë apo e ka bërë vetë një lidhje të tillë më përpara, të na informojë dhe do jemi shumë të gatshëm të gjendemi pranë. T’i ndërpresim këto lidhje dhe të ofrojmë mundësinë që ato të lidhen me një ujëmatës dhe një kontratë të ligjshme me ujësjellësin. Kjo është e vetmja mënyrë se si edhe qyteti të furnizohet me ujë siç duhet, por edhe qytetarët të marrin shërbimin e duhur”, nënvizoi Mazniku.
