Një aksident ka ndodhur rreth orës 10:30 të mëngjesit të sotëm në rrugën Teodor Keko, ku një mjet i paidentifikuar ka aksidentuar 20-vjeçaren me iniciale M.Gj.
Fatmirësisht vajza ndodhet në spital, jashtë rrezikut për jetën. Autori është larguar menjëherë nga vendi ku ka ndodhur aksidenti, ndërkohë që grupi hetimor po vijon punën për zbardhjen e plotë të rrethanave të ngjarjes.
Njoftimi i policisë:
Tiranë/Informacion paraprak
Më datë 24.06.2020, rreth orës 10:30, në rrugën “Teodor Keko” një mjet ende i paidentifikuar ka aksidentuar dhe është larguar nga vendi i ngjarjes biçiklisten M.Gj., 20 vjeçe, e cila u dërgua në spital, ku ndodhet jashtë rrezikut për jetën.
Grupi hetimor ndodhet në vendngjarje dhe vijon punën për zbardhjen e plotë të rrethanave të ngjarjes.
