Dy vajza humbën jetën nga aksidenti i tmerrshëm i ndodhur këtë pasdite te mbikalimi i TEG-ut dhe 4 të tjerë mbetën të plagosur.
I plagosur rëndë ka mbetur 24-vjeçari Klevis Rucaj që drejtonte makinën tip “Audi” gjendja të cilit sipas burimeve është kritike.
Ndërsa dy vajzat që kanë humbur jetën, udhëtonin në automjetin “Audi” të Klevis Rucaj, ndërkohë që ende nuk është bërë identifikimi i tyre.
Po ashtu mësohet edhe identiteti i shoferit të automjetit tjetër tip Honda. Ai është 60-vjeçari Qemal Kurti i cili ka mbetur i plagosur së bashku me Alda Kurtin 51 vjeçe.
I plagosur ka mbetur edhe një person tjetër me inicialet O.K, 24 vjeç.
Të plagosurit ndodhen te spitali i Traumës dhe po i nënshtrohen ndërhyrjeve kirurgjikale.
“K.R drejtuesi i automjetit, prognozë e rezervuar, në trajtim mjekësor intensiv;
Pacientët OK., A.K, Q.K, jashtë rrezikut për jetën”, mësohet nga Spitali i Traumës.
Dinamika e aksidentit
Mësohet se automjeti tip “Audi” drejtohej nga 24-vjeçari Klevis Rucaj.
I riu vinte me automjet nga autostrada e Farkës në drejtim të rrethrrotullimit ku edhe ka dalë nga rruga.
Pasi ka thyer barrierat metalike, automjeti ka rënë në rrugën nacionale Tiranë-Elbasan, duke goditur një makinë “Honda” me drejtues Q.K, 60 vjeç.
Bilanci tragjik i aksidentit
Të vdekur
2 vajza te automjeti “Audi”, të paidentifikuara
Të plagosur
Klevis Rucaj, 24 vjeç, drejtues i “Audit”
Qemal Kurti, 60 vjeç, drejtues i “Honda”
Alda Kurti, 51 vjeçe, pasagjere te “Honda”
O.K, 24 vjeç, pasagjer te “Honda”
