Ka ndërruar jetë gjatë ditës së sotme në spital 12-vjeçarja e cila mbeti e plagosur rëndë dje në një aksident në Xibrakë.
Mësohet se pas aksidentit 12-vjeçarja u transportua në Spitalin e Traumës në Tiranë, por pavarësisht ndihmës nuk mundi të mbijetojë, pasi plagët që mori nga aksidenti ishin të rënda.
12-vjeçarja po udhëtonte në makinën e drejtuar nga babai i saj së bashku me nënën dhe vëllanë. Makina e tyre tip “Toyota” me targa IZZ8177 që drejtohej nga D.D. 37 vjeç u përplas nga Bahri Begu 50 vjeç nga Tirana, i cili po drejtonte makinën tip “Benz” veturë me targa AA 643 SB.
Bahri Begu është arrestuar pas aksidentit, ndërsa pasagjerja ndodhet në spital, jashtë rrezikut.
