Lidhur me aksidentin e ndodhur mbrëmjen e djeshme në sheshin “Shqiponja” në Tiranë mësohet se është vëllai i deputetes së re të LSI Ambra Borova, nga Qarku i Shkodrës.
Ndërkohë misteri i aksidentit nisi me faktin që pronari i makinës u zhduk disa çaste pas aksidentit.Më pas dyshimet u shtuan kur makina e blinduar me targë ruse H001CH 199 është sjellë në Drejtorinë e Tiranës dhe i është nënshtruar një kontrolli të imtësishëm por nuk janë gjetur sende të paligjshme në të.
34-vjeçari Eldin Dergjini është shprehur para grupit hetimor që ka qenë duke udhëtuar me shpejtësi dhe është goditur nga një makinë nga pas dhe është përplasur me borduren e rrugës nga ku ka humbur kontrollin e automjetit. Kujtojmë që Dergjini rezulton një person me precedentë penal, i arrestuar më herët në Shqipëri për kundërshtim të policisë dhe trafik droge në Itali.
