Një aksident rrugor është regjistruar pranë lagjes “Skënderbej” në Elbasan, ku një automjet ka dalë nga rruga dhe ka përfunduar në përroin e Zaranikës. Sipas pamjeve, makina ka rënë përmbys.
Deri në këto momente nuk ka informacion të konfirmuar nëse ka persona të lënduar nga ky aksident, ndërsa rrethanat se si mjeti ka humbur kontrollin mbeten ende të paqarta.
Forcat e policisë kanë mbërritur menjëherë në vendngjarje dhe po punojnë për zbardhjen e plotë të shkaqeve të aksidentit, si dhe për të verifikuar gjendjen e personave të përfshirë.
