Një aksident ka ndodhur mëngjesin e sotëm në aksin Fushë Krujë – Kamzë, pranë Niklës. Burime bëjnë të ditur se dy automjete janë përplasur me njëra-tjetrën dhe për pasojë kanë marrë lëndime dy persona. Të lënduarit janë dërguar në spital për të marrë ndihmë mjekësore dhe njoftohet se ndodhen jashtë rrezikut për jetën.
Nuk dihen shkaqet e aksidentit, por policia vazhdon hetimet. Ndërsa ekspertë disa herë kanë ngritur shqetësimin për këtë aks rrugor, pasi është kthyer në burim aksidentesh, ku në shumë raste kanë përfunduar fatale.
