Me të ftohtin, dimrat e gjatë dhe arinjtë polarë janë mësuar, por një vizitor i “pazakontë” është shfaqur përpara komunitetit të izoluar të një fshati të vogël në Greenland.
170 njerëzit që jetojnë në Innaarsuit nuk mund të bëjnë asgjë përveçse të shpresojnë që ai do të largohet vetë pa bërë shumë zhurmë dhe pa i shkatërruar.
“Është më i madhi që kemi parë ndonjëherë”, thonë disa prej banorëve. Sipas institutit meteorologjik danez, ajsbergu ngrihet rreth 100 metra mbi ujë, ka krisje në të gjithë sipërfaqen e tij dhe herë pas here lëshon zhurma frikësuese që pasohen nga shkëputja e ndonjë cope të madhe akulli.
