Ministri i Financave, i thirrur në interpelancën e kërkuar nga deputeti socialist Erion Braçe theksoi se futbolli është shumë larg formalizimit.
Ai tregoi disa nga rrogat qesharake të futbollistëve shqiptarë duke lënë të kuptohet se një pjesë e mirë e pagesave kryhen sot nën dorë.
“Te Skënderbeu, Kristi Vangjeli paguhet 100 000 lekë në muaj, më pak sesa ekonomistja e klubit. De Sousa merr 22 000 lekë në muaj. Nuk ka të hajë me kaq, jo që të luajë futboll. Te Tirana, trajneri Gugash Magani punonte pa lekë fare.
Pastaj kemi Klodian Dervishin e Partizanit, edhe ky pa lekë. Ze Maria merr 90 000 lekë, aq sa Ilion Lika. Astrit Nallbani merr vetëm 1 lek. Pra, klubet e futbollit janë shumë larg nga formalizimi”, deklaroi Ahmetaj.
