Drejtori i Institutit të krimeve të Komunizmit Agron Tufa, ka sqaruar akuzat dhe ofendimet që i janë bërë prej deputetit Spartak Braho.
Në një reagim të bërë në rrjetet sociale, Tufa iu përgjigjur deputetit Braho me pjesë nga ligji.
Postimi i plotë:
Dëshpërimi i enveristëve ka një shkak: meqenëse pëgjatë 45 viteve (1945-1990) nuk lanë krim pa bërë dhe na e shndërruan Atdheun në Katakomb të lemerishëm, duke ç’nderuar vetveten, tani janë kapur me thonj e dhëmbë të shpëtojnë një vit luftë (1944), që dominohet nga protagonizmi i fortë i PKJ-së, Miladinit, Dushanit dhe çirakut të tyre Enver Hoxhës:
E përditshmja “Transheja e kuqe” në shpifjet e radhës ndaj meje, ka rënë dëshpërim të plotë. Sigurisht me këto ofendime, shpifje e akuza të pavërteta, Deputeti dhe Gazeta pasurojnë Dosjen e tyre në gjykatë. Sot, thotshte me gojën e deputetit, sikur unë paskam falsifikuar përmbajtjen e ligjit tonë organik nr. 10242, datë 25.2.2010. Pjesa e falsifikuar (shtuar), sipas tij, qenka ajo që “krimet e komunizmit: i sheh dhe para datës 29 nëntor 1944. Këtë pjesë, thotë Deputetua, e paskam shtuar unë (!). Se sa qëndron kjo, mjafton të ndiqni Ligjin në fjalë që është i aksesueshëm (po hedh linkun më poshtë).
