Ish-drejtori i Institutit për Studimet dhe Pasojat e Krimeve të Komunizmit, aktualisht azilkërkues në Zvicër, Agron Tufa, hedh akuza të forta ndaj kryetarit të sapozgjedhur të SPAK.
Në një postim në rrjetet sociale, Tufa shkruan se ish-Sigurimi komunist i Diktaturës rilindi plotësisht me pushtetin e Edi Ramës dhe Rilindjen, dhe këtë e konfirmon, sipas shkrimtarit, zgjedhja në krye të SPAK e Krajës.
Tufa deklaron se prokurori Arben Kraja ka qenë hetues i komunizmit.
Postimi i plotë:
NJË VETING PËR T’U PËSHTYRË NË SURRAT!
Ish Sigurimi komunist i Diktaturës rilindi plotësisht me pushtetin e Edi Ramës dhe Rilindjen. Konfirmimin absolut e shohim me zgjedhjen në krye të SPAK-ut të një ish hetuesi të komunizmit, Arben Kraja. Imagjinoni se me çfarë drejtësie e për çfarë “krimesh e kriminelësh të komunizmit”, do mund të shqyrtonim ne me hetuesit dhe oficerët operativë grusht bashkuar rreth partisë-nënë!
Ka vend një pyetje këtu:
– Kush ia dha pastertine e figures ketij ish hetuesi? Mos valle ish oficeret operative qe drejtojne zyrat e vetingut? Po per keto gjera u konfrontova une! Për çka tjetër!?
Per kete duhet te shprehen AIDSSH dhe DSIK, të lajnë veten
Ndryshe mbetet ne fuqi ai proverbi dibran: “Ja ma gjé, ja ma ke!”
