Kryetari i Partisë së Lirisë, Ilir Meta në një dalje për mediat ka zbuluar nismën e re që do të ndërmarrë forca e tij politike në Kuvend. Meta tha se së shpejti do të dërgohet në Kuvend një iniciativë ligjore që indekson pagat.
“ Së shpejti iniciativë ligjore për indeksimin e pagave në kuvend. Mbi 67% e popullsisë jeton në indeksin e varfërisë. Të ardhurat neto mujore në zonat rurale, janë 3.1 dollarë. Të ardhurat mujore, në zonat rurale 0.9 dollarë. Të ardhurat mujore për familje me ndihmë ekonomike, të ardhurat janë 0.7 dollarë.
Pse? Sepse të ardhurat do të shkojnë për super aferat e zezë të shtetit. Qeveria mban njerëzit peng, mban peng të ardhurat e qytetarëve me firma të vdekurish që janë ndarë nga kjo botë, ose barinjsh që nuk jetojnë këtu.”-tha Meta.
