Partia Demokratike ka dorëzuar sot në Kryesinë e Kuvendit kërkesën për ngritjen e Komisionit Hetimor për inceneratorët.
Në një deklaratë për mediat, deputetja demokrate Jorida Tabaku e cilësoi këtë si aferën më të madhe. Sipas saj kryeministri Edi Rama dhe Arben Ahmetaj duhet të ishin para drejtësisë.
“Ndërkohë që flasim, besoj që të gjithë e patë që informacionin SPAK i drejtoi Presidentit Meta, ku thotë se asnjë nga përfaqësuesit e qeverisë që është sot në qeveri, nuk është në hetim, ndërkohë që në gjykimin tonë, të paktën kryeministri dhe z. Ahmetaj, si dy persona kyç në aferën e inceneratorëve, duhej të ishin sot në hetim,” tha ajo ndër të tjera.
