Gjykata e Tropojës ka dhënë masën e sigurisë arrest me burg për dy punonjës të postës në Bajram Curri, Tropojë që akuzohen për vjedhje e shpërdorim detyre.
Në pranga ra 63-vjeçari Memhet Çakra ndërsa u shpall në kërkim Shpresa Dega, 52 vjeçe, banuese në fshatin Shoshan. Ndaj tyre u ngritën akuzat “Vjedhja e kryer duke shpërdoruar detyrën” dhe “Shpërdorimi i detyrës”.
Gjithashtu, u bë ekzekutimi i masave “Detyrimi për t’u paraqitur në policinë gjyqësore”, të caktuara nga Gjykata e Rrethit Gjyqësor Tropojë, për veprën penale “Shpërdorimi i detyrës”, për Xh. V., 59 vjeçe dhe Ç. Q, 32 vjeçe, punonjëse të Degës Postare Bajram Curri, Tropojë.
