Ambasadorja e Bashkimit Europian në Tiranë, Romana Vlahutin, ka ngritur sot alarmin për abuzimin me pronat.
Gjatë takimeve që pati me drejtues të disa institucioneve në Vlorë, Vlahutin ka kërkuar zgjidhje për të problematikë të vjetër, dhe është e nevojshme të gjendet një zgjidhje.
“Pasdite u takuam në disa institucione që merren me shtetin e së drejtës që ka të bëjë me pronën, që është prokuroria, policia dhe gjykata. Është e qartë që abuzimet që kanë ndodhur në këto 20 e kusur vite, është mjaft i rëndë. Duhet bërë shumë për të zgjidhur së paku disa prej dëmeve që janë bërë.
Besoj që kjo është një çështje tejet e rëndësishme dhe besoj duhet të përpiqemi të gjejmë një zgjidhje mjaft të mirë”, tha zyrtarja e BE-së.
