Punësimet dhe shkarkimet e pajustifikuara në administratën publike vazhdojnë të prodhojnë kosto të larta në buxhet. Dëmet ekonomike që vinin nga gjyqet e humbura për shkak të pushimit të pajustifikuar nga puna u pasqyruan edhe në raportin e fundit të KLSH-së për vitin 2021.
Në vitin 2021, sipas raportit të Departamentit të Administratës Publike, institucionet kanë kërkuar 128 pozicione më tepër sesa ishin planifikuar.
Në total rezultojnë 1009 vende të lira, ku për çdo një prej tyre kanë konkurruar të paktën 15 kandidatë.Kjo shifër është më e ulët sesa mesatarja e vitit 2020 kur për çdo pozicion kishte të paktën 24 aplikantë.
Por edhe pse janë hapur më shumë pozicione se sa ishte nevoja edhe plotësimi i vendeve vakante mbetet problematik. Në raportin e dorëzuar në Kuvend thuhet se vetëm 85 për qind pozicioneve janë plotësuar.
