Ish-ministri i Drejtësisë Ylli Manjani është marrë dje në pyetje nga ana e pokurorisë së Tiranës, për shkak në lidhje me dosjen e abuzimit me tenderat në këtë institucion në kohën kur ai ishte ministër.
Bëhet e ditur se Ylli Manjani ka thënë në Prokurori se ka firmosur praktikat për shkak të detyrës dhe se nuk është marrë me teknikalitete.
Kallëzimi penal është bërë nga Ministria e Financave, pas auditit financiar të kryer. Përveç Manjanit, Prokuroria pritet të marrë edhe dëshminë e Petrit Vasilit dhe Gazmend Bardhit, ndërsa është duke u verifikuar përgjegjësia e tyre në procedurat e tenderave.
Pesë procedurat e tenderimit, ku janë evidentuar shkeljet:
1. Mirëmbajtja dhe mbikqyrja e sistemit ICMIS në 7 Gjykatat Administrative
2. Përmirësimi i sistemit të mbikqyrjes elektronike në fushën penale
3. Përmirësimi, Zhvillimi dhe Mirëmbajtja e Regjistrit Noterial Shqiptar
4. Sistemi i Monitorimit me kamera për burgun e Lezhës dhe Fushë Krujës
5. Përmirësimi dhe mirëmbajtja e sistemit elektronik të çështjeve të përmbarimit
