Kryeministri i Malit të Zi, Dritan Abazoviç i pranishëm sot në samitin e “Ballkanit të Hapur” në Ohër ka komentuar deklaratat e ministrit të jashtëm rus, Sergei Lavrov. Në konferencën për gazetarët, Abazoviç tha se deklaratat e Lavrov për “Ballkanin e Hapur” janë të dëmshme. Abazoviç u ndal dhe tek bllokimi i hapësirës ajrore ndaj Rusisë nga ana e Malit të Zi.
Abazoviç: Sa i përket deklaratës së tij mendoj se bëhet për një deklaratë politike, e cila ka të bëjë një distruksion në lidhje me marrëdhëniet me Ballkanin. Nuk mendoj se është jo legjitime, pasi çdo kush ka të drejtë të thotë atë që mendon, por mendoj se ishte e dëmshme. Ishte e dëmshme se mendoj se ishte diçka më tepër sikur ai ishte i brengosur me atë çështje. Sa i përket pikës së dytë, ne kemi vendosur sanksione ndaj Federatës Ruse. Mendoj se duhet të zbatojmë ato që janë vendimet tona, dhe ne nuk kemi mundur me i mundësuar kalimin përmes qiellit të Malit të Zi.
Vazhdon shpërndarja e ndihmave për 6500 familje në nevojë gjatë Ramazanit
Komuniteti Mysliman i Shqipërisë, në bashkëpunim me Qendrën Bamirëse dhe Humanitare “Mbreti Selman” dhe me koordinimin e Ambasadës së Mbretërisë së Arabisë Saudite...
