I pyetur nëse akti i përjashtimit të Berishës ishte vrasje e babait politik, kryetari i PD-së Lulzim Basha tha se ish-kryeministri nuk mbajti fjalën për të mos përfshirë Partinë Demokratike në çështjet e tij me Amerikën.
Basha: Forcat politike në Amerikë kanë të njëjtin qëndrim sa i takon shpalljes non-grata të Berishës.
Edhe një herë, vendimin e SHBA nuk e komentoj, ndërsa qëndrimi e zyrtarëve të lartë është dhënia fund e pandëshkueshmërisë, nuk e di se cilit qëndrim i referohet Berisha kur flet per Soros, sepse qëndrimet zyrtare kanë qenë në unison.
Akti juaj a nuk është një vrasje e babait tuaj politik?
Basha: Nëse ka një njeri në pozitat e drejtuesit të një partie që respekton pasardhësit kudo në planet ky jam unë, e kam treguar duke shpalosur vlerat konservatore.
Sigurisht duke tejkaluar dhe pjesët negative për të cilat kemi paguar kostot tona, edhe kur bëheshin thirrje publike lincimi për largimin e tij, i kam mbajtur anën dhe kur SHBA bënte presion për largimin e tij nga parlamenti.
Kjo besoj se e shpjegon qartë qëndrimin tim, qëndrimet e tij ndryshojnë si e bardha me të zezën, ai më citoi si lideri më i mirë për PD, kandidati më i mirë për kryeministër. Çfarë ndryshoi pas 1 shtatorit?
I kam kërkuar që atë vendim ta merrte vetë, ai nuk i qëndroi premtimit publik për të mos përfshirë PD në marrëdhënien e tij me SHBA, ai madje nisi betejë.
