David McAllister kryetar i komunitetit të punëve të jashtme në parlamentin evropian në një konferencë për shtyp u pyet nëse e njihte Berishën si kryetar të PD-së. Zyrtari i lartë u shpreh se kësaj pyetje do t’i japë përgjigje javën që vjen në konferencë në Roterdam ku pritet të kryehen bisedime të tjera për çështjet me Shqipërinë.
“Jam këtu si kreu i delegacionit për çështjet e jashtme. Nuk është vendi këtu për të komentuar për zhvillimet e brendshme të Partisë Demokratike. Do të kemi javën që vjen një konference në Roterdam javën që vjen, jam i sigurt se do të bisedojmë dhe për çështjet me Shqipërinë.”, tha kryetari i Komitetit të Jashtëm te parlamentit europian.
McAllister u pyet për 2 ish ministrat dhe deputetin e arrestuar.
Pyetje: Dy ish ministra dhe një deputet në burg. A e shikoni sukses të reformës në drejtësi apo si provë që korrupsioni është i shtrirë shumë lart në qeveri?
McAllister: Kjo tregon që autoritetet në Shqipëri e kanë marrë seriozisht luftën kundër krimit të organizuar dhe korrupsionit. Unë dëshiroj që ti inkurajoj të gjithë ata që kanë përgjegjësi në Shqipëri për këtë punë që të vazhdojnë me këtë qëndrim të rëndësishëm kundër korrupsionit krimit dhe trafikimit të drogës. Ky ka qenë dhe mesazhi për ministrin e Brendshëm dhe të Drejtësisë që u kemi dhënë sot.
