Nga Lutfi Dervishi
Nëse je abonent në nje kompani celulare dhe nuk rimbush çdo muaj numrin atëherë kompania e nxjerr numrin jashte shërbimit?!
Dikur numri ishte funksional dhe prona jote për një vit, pastaj kaluan në 6 muaj dhe tani vetëm një muaj! Dhe kjo gjë nuk është e shkruar në kontratën që nënshkruan është thjesht veprim arbitrar!
Pa folur këtu për ofertat që ndryshohen në dem te konsumatorit! Vetëm një mendje gjeniale mund t’i ofroje 100mb në muaj?!
Numri është pronë e konsumatorit dhe nëse nuk i pëlqen shërbimi i një kompanie mund të kalojë të kompania tjetër. Por kur në treg janë vetëm dy kompani i bie që po të mos jesh i kënaqur me ujkun të shkosh te qash hallin te çakalli! Mungesa e konkurrences do të çojë në abuzim dhe rritje çmimesh!
Nga muaji qershor do të rrisim me 1 mijë lekë çmimin e paketës dhe ju mund të tërhiqeni pa penalitet- njofton kompania tjetër! Arsyeja e rritjes së çmimit është krejt e qartë se është rritja çmimit të naftës ose më thjesht lufta në Ukrainë, ose ngrohja globale!
Në kushtet kur tregu telefonisë mobile po përqendrohet vetëm në dy kompani rreziku për konsumatorët është evident! Në këto kushte merr rëndësi të madhe roli i Autoritetit të Konkurrencës! Përndryshe po mbete vetëm në dorë të kompanive celulare, donte vij dita që të të marrë malli për telefonin fiks…
