Ish-kryeministri Sali Berisha teksa është pyetur për faktin nëse do e mbështeste apo jo kandidaturën si president të Fatos Nanos, pohoi se nuk ia vlen që t’i prishet privatësia ish-politikanit socialist.
Në një konferencë për mediat Berisha tha se nuk ia vlen që ta citonin Nanon, ndërsa i pyetur nëse ka gati një emër për Presidentin, Berisha tha se është i fokusuar te gara e tij në PD.
“Nuk ia vlen që t’ia prishës privatësinë atij. Lëre se ai është i akomoduar në jetën e tij. Është hedonist mes të tjerash. Më mirë ta lëmë të vazhdojmë atë, mos ta citojmë. Unë po merrem me garën time, Komisioni i Rithemelimit ka përcaktuar dy përfaqësues që të merren me këtë çështje”, tha ai.
