Policia e Tiranës ka arrestuar tre persona pasi u kapën duke vjedhur karburant në zonën e Mulletit.
Në pranga kanë rënë shtetasit Fatos Hasa, 27 vjeç, banues në fshatin Thumanë, Krujë, Roland Puleci, 26 vjeç, dhe Sul Lami, 28 vjeç, të dy banues në Fushë – Krujë.
Arrestimi i tyre u bë pasi këta persona janë kapur në flagrancë duke vjedhur karburant në mjetin tip “Eksavator”, në pronësi të një firme ndërtimi.
Në cilësinë e provës materiale janë sekuestruar: Automjeti tip “Mercedez Benz”, në pronësi të shtetasit Sul Lami, automjeti tip “Fiat Punto”, në pronësi të Fatos Hasës, një pompë elektrike së bashku me zorrën e cila shërbente për vjedhjen e naftës nga serbatori i mjeteve dhe 8 bidona 30 litra në bagazhin e automjetit të sekuestruar.
Materialet iu referuan Prokurorisë së Rrethit Gjyqësorë Tiranë në ngarkim të shtetasve të lartpërmendur për veprën penale “Vjedhje e kryer në bashkëpunim”.
