Filmi i parë horror shqiptar do të ketë premierën në kinema Millennium, më 22 shtator.
“Bloodlands” – (Tokat e përgjakura) është një histori origjinale gjakmarrjeje, krejt ndryshe nga dramat e përhershme në filmat shqiptarë. Këtu, nis me dramën e një familjeje shqiptare, por përfundon në një gjueti vampirësh.
Gëzim Rudi, Suela Bako, Emiljano Palali, Ilire Vinca, Alesia Xhemalaj, Dritan Arbana e të tjerë janë pjesë e kastit të aktorëve, të drejtuar nga regjisori i njohur australian Steven Kastrissios.
Në shkurt, filmi u paraqit në festivalin më të rëndësishëm të filmit horror në Skoci, “Frighfest” ku u vlerësua si një prej 3 filmave më të mirë të festivalit.
