Shirat e rrëmbyeshëm janë rikthyer në vend. Meteorologët bëjnë me dije se sërish pas mesnatës dhe orët e para të së martës sjellin shtim të shirave në zonat veriore dhe perëndimore.
Nga shirat situata paraqitet e rënduar në Vlorë, Fier dhe Elbasan, ku era e fortë dhe shirat e rrëmbyer kanë goditur këto tre qytete, ndërsa herë pas here ka pasur edhe shkarkime atmosferike.
Reshje të dendura dhe erë të fortë ka pasur edhe në qytetin e Durrësit.
Temperatura më e ulët në rang territori sot ka shënuar 12°C, ndërsa pritet që maksimumi të ngjitet në 33 – 34°C në disa qytete të ultësirës perëndimore.
