Zëvendëspresidenti amerikan, Joe Biden, tha se SHBA do “t’u marrë shpirtin” xhihadistëve të grupit ekstremist të Shtetit Islamik.
“Ne do t’i nxjerrim zemrën Daeshit (Shtetit Islamik) në Irak dhe në Siri, në mënyrë që t’ua bëjmë të pamundur atyre që të shpërndajnë helm në rajon dhe në gjithë botën”, ka thënë ai.
Biden ka folur para qindra amerikanëve në një bazë ushtarake në Emiratet e Bashkuara Arabe.
“Kjo luftë do të marrë kohë, por ne jemi të përkushtuar që ta shkatërrojmë këtë përbindësh”, ka thënë Biden.
Më herët, ai e kishte përjashtuar një zgjidhje ushtarake për t’i dhënë fund konfliktit në Siri dhe kishte bërë thirrje për një tranzicion politik.
“Sado e vështirë që të jetë, ne duhet të bëjmë përpjekje që të arrijmë një zgjidhje politike”, ka thënë Biden.
