Ministri i Brendshëm Dritan Demiraj ka deklaruar sot se vënia e qëllimshme e zjarrit në pyje e kullota, jo vetëm që po shkatërron pasurinë kombëtare, por po cenon edhe sigurinë kombëtare e për këtë arsye, personat përgjegjës do të kapen e dënohen me ashpërsi.
“I nxehti ka bërë që në vendin tonë, prej dy muajsh të ketë shumë zjarre. Drejtoria e Përgjithshme e Emergjencave Civile, zjarrfikësit, Policia e Shtetit, Forcat e Armatosura, bashkitë, prefekturat, po punojnë natë e ditë për të vendosur situatën nën kontroll.
Inkurajoj të gjitha këto struktura, që po luftojnë me zjarret në çdo cep të territorit për të shpëtuar njerëzit dhe pasurinë kombëtare.
Zjarrvënia e qëllimshme rrezikon sigurinë kombëtare dhe përgjegjësit do të kapen e dënohen ashpërsisht” – shkruan Demiraj në Facebook.
