Mbi 220 mijë vetë në Modena Park, mbi 5 milionë e gjysmë para ekraneve të televizionit që transmetoi koncertin.
Një performancë tre orë e gjysmë e gjatë, madhështore dhe imponuese.
Koncerti nisi në orën 21 të mbrëmjes dhe Vasco Rossi mbërriti me një helikopter. Mirësevini në festën e Modena Park, mirë se vini në koncertin që nuk do të ketë kurrë fund. Mirësevini në legjendën, rekordin botëror, ishte përshëndetja e Vaskos për të pranishmit që prisnin prej orësh e madje edhe prej ditësh, pa u dekurajuar nga moti i nxehtë apo masat e sigurisë.
Vasko ftoi publikun të mos kishte frikë dhe të mos thyhej para terrorizmit. Ky është një koncert kundër frikës tha ai e më pas ishte radha e sukseseve më të mëdha të shumë viteve karrierë, ndërsa në finale, fishekzjarrë.
